تشريح الجمبري

اخيرا في شيء مسلي في الاحياء 

شيء فيه تصوير ^^ 

تشريح الجمبري ... شرحنا اليوم جبمري 

طبعا انا الموثقه بالصور 

حماس اتعلمت كيف افرق بين الجنسين male & femal 

 جلست اتفلسف على اهلي  و اشرح لهم 

اضغط على الصوره لترها بالحجم الطبيعي

احلى يوم ربعوي في الجامعه

اليوم حمآآآآآس آقوى شيء ^^
رحت الجامعه و خلصت محاضرتي و كانت قصيره ...

بدأنا يومنا المسلي مع البنات من الساعه 3 -10

إني حنطت سمكه

إني اليو حنطتُ سمكةً >>> مكلجه 
مع زميلاتي
رحت الجامعه و اتوجهت لقسمي و انا ماشيه اشم الروائح الزكيه  ما اقدر استحمل الريحه
فحطيت على خشمي مناديل بعد ما عطرته دخلت المعمل تقول داخله ...وين يا ربي ؟؟؟ ايش يسمو المكان إلي يبعوا فيه السمك
المهم اخذنا الدرس وسط الروائح الزكيه انا ما قدرت استحمل شلت كمامي و بخيت عليه عطر و لبسته 
شويتين و دموعي تنزل.. الصراحه نزلت 
انا و البنات كنا لابسين كمامات الاستاذه تشوفنا و تقول انتم دلوعات
الاستاذه خشمها مات ما تشم العفن
مع الوقت اتعودنا على الريحه ما صرنا نشمها
اخشامنا انعدمت .. انا لازم اقاضيهم


ساندوتش سمك مع كرات النفثالين



نبخ السمكه بريد او باف باف



في بيتي ما قطعت سمكه اجي المعمل اقطع سمك و اخرج احشائها العفنه و اشم الريحه النتنه 
انا اشلي و اشل القرف ذا 
يا زيني مع الواني و فراشيا ...
و الله تركت شغل التنظيف و التقطيع و الخياطه على البنات
انا اتكفلت اني اجيب لهم الديتول علشان ينظفوا السمكه كل شويه

انكتم اليوم من العفانه حقت المعمل شويه و يغمى عليا.بسبب.. 
بسبب شلة دلوخ عندنا في المعمل جابوا سمكه الاسبوع الماضي
و حطوها في ثلاجة الفطريات طبعا ثلاجة الفطريات درجتها برودتها منخفضه ...
اليوم كان و قت التحنيط فراحوا فتحو الثلاجة لقيوا السمكه اتعفنت و هاتك يا ريحه خناااااقه اعفن منها ما في 
الريحه واصله للممرات شويه و اموت من العفن لكن الله لطف و قدر انكتب لي عمر 
اخخخخخ يا لقرف اخخخخ يالعفن 
رجعت البيت و خرجت الروب لقيته ريحته عفنه مع اني ما مسكت السمك قرفت يومي كله بسبب السمكه
شغل اليوم كان حلو بس عففففففن
...................
الاسبوع الجاي مطلوب مني احنط حشره ..... مين يطوع و يحنط لي حشره . 
تخيلوا تبغنا الاستاذه نفرشخ الصرصار على الفلين و نفكفك ظهره 
اخخخخ يا القرف ...و اخخخ يا العفن
انا لازم اطلع من القسم ذا ...

انا داخله قسم الاحياء بالخطأ قسم مقرف و عفن
 ........................................
ملاحظه الصور من تصوير زميلتي علا

هدايا غير شكل

اوهااااايو

رجعت ثاني و جايبه معايا علب هدايا حلوه

بداخلها احلى مفاجئه

نبدأ بعلبتي

جراده و العياذ بالله

بس خسرت نفسي علبه على الفاضي الاستاذه قالت : فكي جناح الجراه و غيري العبله

قلت مايصير ارمي العلبه على الفاضي قمت اعطيتها هديه لبنت خالتي

كان ودي افجعها

لكن ما انفجعت… اتوقت انه في العلبه  حشره بما انها هي الثانيه قسم احياء

كان نفسي اضحك

العلبه الثانيه علبة علا زميلتي بالجامعه

صرصار الله يقرفها .. حشرتها كانت تحتاج لتعديل هيا كمان

و العلبه الاخيره و الاحلى علبة علياء زميلتي بالجامعه

علبتها  كانت جدا رائعه

 

البنت حركات و زوق مشاء الله عليها

اخذنا فل ماركت علشان عملها

إلا يبغى تغليف هدايا يجي عندنا

تحنيط الحشرات

مغامرة اخرى لي فيـ قـسمـ الاحياء

بعنوان{ تحنيط الحشرات}

طلبت منا هذه المره الأستاذه هناء زينلي تحنيط حشرات

في البداية اتقرفت حشرات و كمان {صرصور}

هذا إلي كان ناقص مستحيل اسوي و خلي الدرجات تطير ..

بعدها جلست افكر ايش احنط حشره بدل الصرصور العفن اممم

 (فراشه او رعاشه او خنفسانه حمره ..) حشرات ما تقرف

دورت على حشرات ما تقرف لكن ما حصلت قلت ايش هذا

دحين مافي و لا حشره !!! 

على كذا بيتنا طلع انظف المستشفيات

بعدين رحت طلبت العون من الجهات المختصه إلي هيا اخويا

قلت له روح الملعب اكيد بتحصل حشرات

راح صاد لي جراده لونها كان مقرف حسيت حالي بستفرغ

قلت له تعال اشتغل فيها بدالي استغلال بتدريج اتعلمو هذه التكنيكه

  يا سلام على اخويه حبيبي سوى الشغل عني …

بعدها بخيت الجراده بف باف علشان تنشف

و تركتها على جنب .

بعدها اعطيت اخويا خمس ريال علشان ينبسط

نزل فرحان وفي يده الخمسه إلا شافته امي

و قالت له : دحين انت بعت اختك ؟!

قلها: لا هيا اعطتني

فقالت امي : تعال هات الخمسه .

 فا اعطها الخمسه و رجعت له ريالين 

المسكين زعل . فقالت له أمي: انا إلي سمحت لك تخرج من البيت علشان تصيد الحشره

فيعني لي جزء من الخمسه و جزء لاختك الصغيره إلي جرجرتها معاك ( اخر العنقود فيفي )

انا انفرطت ضحك

طلع اخويا عندي زعلان و انا بس اضحك عليه ….

اختباراتي بلشت

 

اختباآآآرتي بلشت 

4 اسبايع من الاختبارات 

و يلا انتظروا رسماتي 

وسط الاختبارات تطلع ابداعاتي 

دعواتكم