الاثنين، 7 سبتمبر 2009

تحنيط الحشرات


مغامرة اخرى لي فيـ قـسمـ الاحياء
بعنوان{ تحنيط الحشرات}
طلبت منا هذه المره الأستاذه هناء زينلي تحنيط حشرات
في البداية اتقرفت حشرات و كمان {صرصور} IONd8O-gn3YwuJv1
هذا إلي كان ناقص مستحيل اسوي و خلي الدرجات تطير ..
بعدها جلست افكر ايش احنط حشره بدل الصرصور العفن اممم
 (فراشه او رعاشه او خنفسانه حمره ..) حشرات ما تقرف
دورت على حشرات ما تقرف لكن ما حصلت قلت ايش هذا
دحين مافي و لا حشره !!! 
على كذا بيتنا طلع انظف المستشفيات
بعدين رحت طلبت العون من الجهات المختصه إلي هيا اخويا
قلت له روح الملعب اكيد بتحصل حشرات
راح صاد لي جراده لونها كان مقرف حسيت حالي بستفرغ
قلت له تعال اشتغل فيها بدالي استغلال بتدريج اتعلمو هذه التكنيكه
DSC00014_001

  يا سلام على اخويه حبيبي سوى الشغل عني …
بعدها بخيت الجراده بف باف علشان تنشف
و تركتها على جنب .
بعدها اعطيت اخويا خمس ريال علشان ينبسط
نزل فرحان وفي يده الخمسه إلا شافته امي
و قالت له : دحين انت بعت اختك ؟!
قلها: لا هيا اعطتني
فقالت امي : تعال هات الخمسه .
 فا اعطها الخمسه و رجعت له ريالين 
المسكين زعل . فقالت له أمي: انا إلي سمحت لك تخرج من البيت علشان تصيد الحشره
فيعني لي جزء من الخمسه و جزء لاختك الصغيره إلي جرجرتها معاك ( اخر العنقود فيفي )
انا انفرطت ضحك 1234440203
طلع اخويا عندي زعلان و انا بس اضحك عليه ….

هناك 4 تعليقات:

  1. أزال أحد مشرفي المدونة هذا التعليق.

    ردحذف
  2. لو سمحتي كيف اتحنطت الحشره بس ب البف باف ولا حطيتي مادة تانيه

    ردحذف
  3. ولمن بخيتي البف باف كيف فردتي رجولها وجناحها وكدا

    ردحذف
    الردود
    1. الموضوع صار له اربع سنين و نسيت السالفه خخخخخخ
      اذكر كلام المدرسه الحشره نخليها تموت اختناق بالاسيتون
      بعد ما مات ثبتها على الفلين و فردت جسمها ثم رشيتها بف فاف لانه يجفف الحشره
      المغزى من البف باف التجفيف . حسب ما ذكرت الحشره صادها من الملعب مكان مكشوف ما ينفع البف باف فيه

      حذف

✖اخي الزائر قل ماشاء الله تبارك الله إن راق لك ما تشاهد
مع خلاص احترامي ✖